Nafasi Ya Matangazo

April 24, 2018

 Msanii Diamond akiongea katika mkutano na waandishi wa habari jijini Dar es alaam (katikati) ni Sealouise Shayo, Meneja wa Chapa ya Coca-Cola nchini (kulia) ni Meneja wake Sallam SK.
 Msanii Diamond na Nahreel katika mkutano wa waandishi wa habari, wengine ni maofisa wa Coca-Cola na mameneja wa msanii Diamond.
Maofisa wa Coca-Cola wakiwa katika picha ya pamoja na Diamond na Nahreel baada ya mkutano na waandishi wa habari. Msanii nguli wa Bongo Fleva nchini Tanzania, Diamond Platnumz, kwa kushirikiana na kampuni ya Coca-Cola ametangaza kuwa ameshiriki kuimba wimbo utakaosherehesha Kombe la Dunia 2018 uitwao Colours. 

Wimbo huo uliotungwa na mwanamuziki Jason Derulo wa Florida, Marekani, Diamond ameshiriki kuweka maudhui ya lugha ya Kiswahili na umetayarishwa na prodyuza Nahreel kwa kushirikiana na maprodyuza kutoka nchi nyingine chini ya udhamini wa kampuni ya Coca-Cola. 

Akiongea na waandishi wa habari jijini Dar es Salaam, amesema anayo furaha kupata fursa ya kushiriki kuimba kuimba wimbo wa mashindano haya makubwa ya kidunia na kuitangaza Tanzania na lugha ya Afrika bila kusahau tasnia ya muziki kwa ujumla. 

 “Kwangu hii ni nafasi nyingine ambayo najivunia kuipata ya kutangaza muziki wa kitanzania sambamba na lugha ya Kiswahili kwa kuwa sehemu niliyoshiriki kuimba nimetumia lugha ya taifa la Tanzania ambayo inazidi kupata umaarufu mkubwa duniani”alisema Diamond Kwa upande wake Meneja wa Chapa ya Coca-Cola nchini, Sialouise Shayo, alisema kampuni ya Coca-Cola ambayo ni moja ya mdhamini wa mashindano haya makubwa ya soka duniani inayo furaha kwa msanii kutoka nchini Tanzania kushiriki kuimba wimbo maalum wa mashindano haya. 

“Tuna imani watanzania watapata mzuka wa soka dimbani na kujisikia sehemu ya mashindano haya”alisisitiza. Prodyuza nguli wa muziki nchini na kanda ya Afrika Mashariki, Nahreel ,ambaye ameshiriki kutengeneza wimbo huu aliishukuru kampuni ya Coca-Cola kwa jitihada mbalimali ambazo imekuwa ikifanya kuwanyanyua wasanii wa hapa nchini ambapo mbali na Diamond naye ameshiriki kwenye tukio hili kubwa. 

“Ninayo furaha ya kufanya kazi na Diamond kwa mara nyingine katika tukio hili kubwa la mashindano ya Kombe la Dunia na najivunia heshima kubwa tuliyopewa”
Posted by MROKI On Tuesday, April 24, 2018 No comments

Waziri wa Viwanda, Biashara na Uwekezaji, Charles Mwijage (wa tano kushoto) Mkuu wa Mkoa wa Pwani, Mhandisi Evarist Ndikilo (wa Nne kulia) Naibu Spika wa Bunge la Jamhuri ya Muungano wa Tanzania, Tulia Ackson (wa tatu kulia) na baadhi ya Viongozi wakifunua kitambaa kuweka Jiwe la Msingi la ujenzi wa Kiwanda cha Kemikali cha Msufini (T) Ltd, Mlandizi mkoa wa Pwani, leo. Picha na Muhidin Sufiani (MAFOTO)

Wakifurahia baada ya kuweka Jiwe la Msingi

Mwenyekiti wa Taasisi ya Sekta Binafsi TPSF, Regnald Mengi, akizungumza wakati wa hafla ya uwekaji Jiwe la Msingi la ujenzi wa Kiwanda cha Kemikali cha Msufini (T) Ltd, Mlandizi mkoa wa Pwani,

Waziri wa Viwanda, Biashara na Uwekezaji, Charles Mwijage, akihutubia kwa niaba ya Makamu wa Rais, wakati wa hafla ya uwekaji Jiwe la Msingi la ujenzi wa Kiwanda cha Kemikali cha Msufini (T) Ltd, Mlandizi mkoa wa Pwani
******************************
SERIKALI imezindua mradi mkubwa wa ujenzi wa kiwanda cha kemikali za kutengeneza dawa za kusafishia maji kitakachogharimu sh. Bilioni 256.

Uzinduzi huo umefanyika eneo la Mlandizi Msufini mkoani Pwani jana na Waziri wa Viwanda, Biashara na Uwekezaji, Charles Mwijage kwa niaba ya Makamu wa Rais, Samiah Suluhu Hassan.

Mwijage alisema mradi huo ukikamilika utasaidia serikali kuokoa kiasi cha fedha kilochokuwa kikitumika kununua dawa hiyo nje za nchi.

" Mradi huo ni wa tatu kwa ukubwa Afrika na kwa sasa tunatarajia kuzindua viwanda vingine tisa vilivyo na viwango. KUSOMA ZAIDI BOFYA HAPA

Posted by MROKI On Tuesday, April 24, 2018 No comments
 Mwanafunzi wa Shule ya Msingi Mbande, Dar es Salaam, Nasri Mustafa akumuonesha Meneja Mkuu wa Puma Energy Tanzania, Philippe Corsaletti (kulia) picha aliyoichora na kushinda tuzo  ya usalama barabarani 2017, wakati wa uzinduzi wa mpango wa Puma wa  mafunzo ya ya usalama barabarani kwa wanafunzi, jana katika Makao Makuu ya Puma, Dar es Salaam. Wa pili kulia ni Matibu Mbunja aliyemwakilisha Kamanda wa Kikosi cha Poilisi cha  Usalama Barabarani Tanzania.Wa pili kushoto ni SajentiHussein Ramadhan Mwalimu wa Trafiki Makao Makao Makuu ya Usalama Barabarani.Imeandaliwa na Richard Mwaikenda.
 Meneja Mkuu wa Puma Energy Tanzania, Philippe Corsaletti (kulia), akimshukuru Mbunja kwa kuzindua mpango huo.
 Matibu Mbunja aliyemwakilisha Kamanda wa Kikosi cha Poilisi cha  Usalama Barabarani Tanzania, akihutubia wakati wa uzinduzi wa mpango huo.


Meneja Rasilimali Watu wa Puma Tanzania Bi Loveness Hoyange  akiiweka sawa picha iliyochorwa na Mwanafunzi Nasri Mustafa na kushinda tuzo ya Usalama barabarani 2027
 Shemu ya wadau wa usalama barabarani
 Baadhi ya walimu na wanafunzi waliohudhuria uzinduzi huo
 Wanahabari wakiwa kazini
 Sehemu ya wadau wa usalama barabarani
 Mwanafunzi Nasri Mustafa akionesha picha aliyoichora ya usalama barabarani. Picha hiyo ilishinda tuzo ya kwanza 2017

 Wadau wa usalama barabrani wakisikiliza kwa makini wakati wa uzinduzi a mpango huo
 Mgeni rasmi, Mbunja na Meneja Mkuu wa Puma,Corsaletti wakiwa na furaha
  Meneja Mkuu wa Puma,Corsaletti, Akisalimiana na wadau baada ya uzinduzi
 Wakiwa katika picha ya pamoja

Na Mwandishi Wetu
KAMPUNI ya Puma Energy Tanzania imezindua kampeni maalumu ya mafunzo ya usalama barabarani kwa wanafunzi wa shule za msingi kwa lengo la kueneza elimu hiyo kuanzia ngazi ya chini. 

Kampeni hiyo inayokwenda sambamba na mashindano ya uchoraji michoro ya usalama barabarani imezinduliwa Dar es Salaam jana na ofisa wa Polisi, ASP Mbuya Matibu, kutoka Makao Makuu ya Kikosi cha Usala,ma Barabarani.

AKizungumza kwenye uzinduzi wa kampeni hiyo, ASP Matibu,  alisema Puma Energy Tanzania, wana mchango mkubwa katika utoaji elimu ya usalama barabarani, hivyo kuwataka wadau wengine kuiga mfano huo.

Pia, aliwataka madereva nchini wasiendeshe magari kwa kukariri sheria,  bali wazitambue ili waweze kuzitumia vizuri kupunguza ajali.

Kwa upande wake Meneja Mkuu wa Puma Energy Tanzania, Philippe Corsaletti, alisema elimu ya usalama kwa wanafunzi ni muhimu, kwani inawapa uelewa wa matumizi ya barabara kwa usalama.

"Tunawaangalia sana watoto wa shule za msingi kwani wao wanakabiliwa na hatari nyingi za barabarani," alisema Corsaletti na kuongeza;

"Hivyo kwa kuwafundisha usalama barabarani tunawapa ufahamu wa kuwajenga katika matumizi salama ya barabara...hiki ndicho kipaumbele chetu."

Alifafanua kwamba baada ya mafunzo  wanafunzi wanapewa nafasi ya kuchora michoro ya usalama barabarani na mshindi pamoja na shule anayotoka wanazawadiwa.

Corsaletti alisema kampuni hiyo ilianzisha mafunzo hayo mwaka 2013 na imeendelea kufanya hivyo hadi sasa kwa kufikia shule 47 na kuwafundisha wanafunzi 60,000 kutoka mikoa ya Dar es Salaam, Arusha, Kilimanjaro na Geita.

Aliongeza kuwa uchunguzi uliofanywa umeonesha kuwa kiwango cha ajali katika shule zilizopatiwa mafnzo kimepungua.


Corsaletti, alisema kampuni hiyo itaendelea na kampeni ya usalama barabarani na kuahidi kufanyakazi pamoja na Kikosi cha Usalama Barabarani, maofisa kutoka manispaa au wilaya zinakotoka shule  zilizochaguliwa ili kuhakikisha lengo linatimia.
Posted by MROKI On Tuesday, April 24, 2018 No comments
1
Meneja Masoko Mwandamizi wa Benki ya Access Bw. Simon Sijaona akikabidhi moja ya kompyuta 10 kwa Bw. Izungo Angalo Mwalimu Mkuu wa shule ya Sekondari ya Turiani Wilaya ya Kinondoni jijini Dar es salaam zilizotolewa na benki ya Access kwa shule hiyo Baadhi ya vitu vingine vilivyotolewa na benki ya Access kwa shule hiyo ni pamoja na viti 10na meza za kompyuta 10 wanaoshuhudia tukio hilo kulia ni Mwanafunzi Amina Ibony wa kidato cha IV na Nasib Masenga Kidato cha IV.
2
Meneja Masoko Mwandamizi wa Benki ya Access Bw. Simon Sijaona akiwa na Bw. Izungo Angalo Mwalimu Mkuu wa shule ya Sekondari ya Turiani Wilaya ya Kinondoni jijini Dar es salaam mara baada ya kukabidhi kompyuta hizo kutoka kulia ni Benedig Mfoi Meneja Uendeshaji Camara Education Foundation Tanzania.
3
Meneja Masoko Mwandamizi wa Benki ya Access Bw. Simon Sijaona akizungumza mara baada ya kukabidhi kompyuta hizo kulia ni Bw. Izungo Angalo Mwalimu Mkuu wa shule ya Sekondari ya Turiani Wilaya ya Kinondoni jijini Dar es salaam
4
Meneja Masoko Mwandamizi wa Benki ya Access Bw. Simon Sijaona akimsikiliza Bw. Izungo Angalo Mwalimu Mkuu wa shule ya Sekondari ya Turiani Wilaya ya Kinondoni jijini Dar es salaam wakati alipokuwa akisoma risala ya shule mara baada ya kupokea kompyuta 10 kutoka Benki ya Access ya jijini Dar es salaam.
5
Baadhi ya wanafunzi wa shule ya sekondari Turiani wilaya ya Kinondoni wakitumia kompyuta mara baada ya kukabidhiwa na benki ya Access leo jijini Dar es salaam.
6
Meneja Masoko Mwandamizi wa Benki ya Access Bw. Simon Sijaona na Bw. Izungo Angalo Mwalimu Mkuu wa shule ya Sekondari ya Turiani Wilaya ya Kinondoni jijini Dar es salaam wakiwaelekeza namna ya kutumia kompyuta hizo mara baada ya kukabidhiwa shuleni hapo leo.
7
Baadhi ya wanafunzi wa shule hiyo wakifurahia wakati walipopewa taarifa ya kuletewa kompyuta hizo na Mwalimu Mkuu wa shule hiyo Bw. Izungo Angalo kutoka Benki ya Access ya jijini Dar es salaam.
8
Bw. Izungo Angalo Mwalimu Mkuu wa shule ya Sekondari ya Turiani Wilaya ya Kinondoni jijini Dar es salaam akitoa taarifa ya kupokelewa kwa kompyuta 10 kutoka Benki ya Access.
Posted by MROKI On Tuesday, April 24, 2018 No comments
 Meneja Masoko wa MultiChoice Tanzania Alpha Mria akipunga mkono kuonyesha ishara ya moto wakati wa uzinduzi wa kampeni maalum ya DStv ijulikanayo kama ‘DStv NI MOTO’. Uzinduzi huo ulifanyika jijini Dar es salaam ambapo pia DStv ilitangaza kuwa itarusha matangazo ya Kombe la dunia kwa lugha ya Kiswahili
 Meneja Masoko wa Multichoice Tanzania Alpha Mria (kulia) na mwenzake wa Masoko Salum Salum (Kushoto) wakionyesha ishara ya moto wakati wa uzinduzi wa kampeni maalum ya DStv ijulikanayo kama ‘DStv NI MOTO’. Uzinduzi huo ulifanyika jijini Dar es salaam ambapo pia DStv ilitangaza kuwa itarusha matangazo ya Kombe la dunia kwa lugha ya Kiswahili. Wengine (kutoka kulia) ni mabalozi wa DStv Khadija Kopa, Soudy Brown, Riyama Ally na Nancy Sumari.
 Meneja Masoko wa MultiChoice Tanzania Alpha Mria akipunga mkono kuonyesha ishara ya moto wakati wa uzinduzi wa kampeni maalum ya DStv ijulikanayo kama ‘DStv NI MOTO’. Uzinduzi huo ulifanyika jijini Dar es salaam ambapo pia DStv ilitangaza kuwa itarusha matangazo ya Kombe la dunia kwa lugha ya Kiswahili
KATIKA kuelekea msimu wa kombe la Dunia 2018, Kampuni ya MultiChoice Tanzania kupitia king’amuzi chake cha DStv imezindua kampeni mpya ifahamikayo kama DStv ni moto! Mteja wa DStv sasa anaweza kujiunga na huduma iitwayo “DStv Now” na kutazama vipindi vya DStv wakati wowote mahali popote ikiwa ni pamoja na kupata fursa ya kuunganisha vifaa vitano (5) zaidi ikiwemo simu ya kiganjani, Tablet, Laptop au Desktop pamoja na Runinga. 
Hii inamaanisha watu wa tano (5) tofauti wanaweza kutazama huduma ya DStv kupitia vifaa vitano (5) tofauti kwa wakati mmoja na kwa akaunti moja tu ya malipo ya mwezi!

Akizungumza katika uzinduzi huo uliofanyika jijini Dar es Salaa Jana, Meneja Masoko wa MultiChoice Tanzania, Alpha Mria alisema “Wakati tunaelekea kwenye mashindano makubwa kabisa ya soka Duniani yaani Kombe la Dunia la FIFA , tunampa fursa mteja kutazama huduma ya DStv kwenye vifaa hadi vitano kwa wakati mmoja. 
Hii itawaondolea wateja wetu usumbufu na sintofahamu hususani pale watu wengi wanapotaka kutazama vitu tofauti wakati wowote mahala popote kwa wakati mmoja“

Aliongezea kusema “Tumekuwa tukiboresha huduma zetu kila uchao hususan kuongeza maudhui na pia kuwarahisishia wateja wetu utazamaji wa vipindi mbalimbali tena kwa kiwango cha hali ya juu kabisa“ alisema Alpha na kuongeza kuwa App hiyo ya DStv Now inapatikana kwa wateja wa vifurushi vyote.

Alpha amesema kwa kuzingatia uzito wa michuano ya Kombe la dunia mwaka huu, DStv imejipanga kuhakikisha kuwa watanzania wanapata fursa ya kuona mechi zote zikiwa katika mfumo wa HD, na pia kwa bei nafuu sana na kwa jinsi watakavyo wateja.
 “Kwanza tunakupa fursa ya kutazama kombe la Dunia popote ulipo iwe ni kwenye laptop, tablet, simu, au kwenye runinga yako; ni chaguo lako na ndiyo sababu tunasema Burudika popote ulipo na DStv.. DStv ni moto!“

Pia amebainisha kuwa DStv itakuwa ikirusha matangazo ya michuano hiyo kwa lugha ya kiswahili kwa kuwatumia watangazaji nguli wa michezo hapa nchini. Amesema kuwa kumekuwa na maombi mengi sana kutoka kwa wateja kutaka matangazo hayo yarushwe kwa kiswahili hivyo DStv imetimiza matakwa ya wateja wake na sasa itarusha matangazo hayo kwa Kiswahili.

Kujiunga na huduma ya “DStv Now”, mteja anapaswa kupakua App ya DStv Now kupitia Simu yake ya mkononi au Tablet ama Laptop na Desktop ataingia DStv.com kisha kufuata maelekezo na kisha kujisajili kwa kuweka taarifa zake muhimu ikiwemo email (barua pepe) namba ya simu pamoja na Smartcard number ya DStv. Baada ya hapo mteja anaweza kufurahia huduma ya DStv wakati wowote mahali popote. Huduma hii inapatikana kwenye vifurushi vyetu vyote vya DStv.

Amewataka wateja wa DStv na watanzania kwa ujumla kukaa mkao wa kula kwani kuna mambo makubwa sana kutoka DStv msimu huu wa kombe la Dunia. “Huu ni mwanzo tu wa moto wa Kombe la Dunia, siku chache zijazo tutasikia makubwa zaidi kutoka DStv kuhusu mashindano haya “

Kama hiyo haitoshi, kuanzia April 18 mwaka huu, DStv iliongeza chanel maalum DStv 214 inayopatikana kwenye vifurushi vyote, ambayo ni mahususi kwa amsha-amsha za kombe la Dunia. 
Channel hii huelezea historia na matukio muhimu ya Michuano hiyo na pia kuonyesha mechi kadhaa za michuano iliyopita bila kusahau makala maalum, mahojiano na wadau na wataalamu mbalimbali wa soka na matukio yote yaliyotikisa michuano hiyo kwa miaka iliyopita.

Zaidi ya hayo, DStv inaendelea kukupa maudhui moto moto hasa kipindi hiki cha kulekea msimu wa Kombe la Dunia, kwani utashuhudia fainali za UEFA champions League, Fainali za Europa League, Fainali za FA Cup, Na mwisho wa msimu wa Premier League na Laliga bila kusahau Filamu na Tamthilia kali za kusisimua za ndani na nje ya nchi, WWE Mashindano ya Mieleka, vipindi vya mapishi, watoto na vingine vingi, Hakika ni DStv NI MOTOOO!!
Posted by MROKI On Tuesday, April 24, 2018 No comments

April 22, 2018

Waziri wa Maliasili na Utalii Dkt. Hamis Kigwangala (fulana nyekundu) akiwa na uongozi wa Mamlaka ya Hifadhi ya Ngorongoro (NCAA) pamoja na baadhi ya washiriki wa mbio za Ngorongoro Marathon zilizofanyika leo Aprili 21, 2018. Wengine ni Mwenyekiti wa Bodi ya NCAA Profesa Abiud Kaswamila (namba 002), Mhifadhi Mkuu wa NCAA Dkt. Fred Manongi (namba 003) na Meneja Mahusiano wa NCAA Joyce Mgaya (kulia waliosimama).

Na Yusuph Mussa, Immamatukio Blog, Karatu

WAZIRI wa Maliasili na Utalii Dkt. Hamis Kigwangala ametuma salamu kwa majangilli wanaojihusisha na uwindaji haramu wa wanyama kwenye Hifadhi za Taifa ikiwemo Mamlaka ya Hifadhi ya Ngorongoro (NCAA).

Amesema Serikali na wadau wengine wamejipanga kuhakikisha rasilimali za nchi zinalindwa kwa kudhibiti ujangili wa wanyama na viumbe hai vyote vinavyotokana na maliasili yetu ya asili kwenye hifadhi za Taifa.

Dkt. Kigwangala alituma salamu hizo kupitia Mbio za Ngorongoro Marathon zilizofanyika leo Aprili 21, 2018 kwa kuanzia Lango Kuu la kuingilia Mamlaka ya Hifadhi ya Ngorongoro na kuishia Uwanja wa Mazingira Bora mjini Karatu mkoani Arusha.

Pamoja na kuwa mgeni rasmi kwenye mbio hizo, Dkt. Kigwangala pia alikimbia kilomita 21 kuanzia saa 3.30 asubuhi na kumaliza saa 6.20 mchana, na kusema hiyo ni ishara tosha ya kujipanga na kukabiliana na majangili. Dkt. Kigwangala alisema kwa kumaliza mbio hizo, sio tu anawatishia majangili kuwa yupo vizuri kukabiliana nao, bali anataka askari wote wa wanyama pole wawe wakakamavu na asimuone askari yeyote mwenye kitambi.

"Moja ya malengo ya mbio za Ngorongoro Marathon kwa mwaka huu ni kupambana na ujangili na majangili. Na sikumaliza mbio hizi za kilomita 21 kwa bahati mbaya, bali ni kuwadhihirishia majangili na watu wote wenye nia mbaya na rasilimali zetu kuwa nipo fiti.

"Lakini sio kwa majangili, hata kwa askari wetu, nataka kuwaeleza kuwa kuanzia sasa sitaki kuona askari anakuwa na kitambi. Hatuwezi kupambana na majangili kama askari wetu wana vitambi na wapo legelege... Na nataka kuwaeleza askari kama wanataka twende nao pamoja kwenye hili basi wajipange" alisema Kigwangala.

Dkt. Kigwangala alisema nia nyingine ya NCAA kudhamini mbio hizo ni kutangaza shughuli za utalii ndani na nje ya nchi, kwani anaamini kupitia waandishi wa habari na washiriki wa mashindano hayo kutokea ndani na nje ya nchi, itawezesha kuongeza watalii na hifadhi hiyo kujulikana zaidi.

Naye Rais wa Chama cha Riadha nchini (RT) Anthony Mtaka, alisema moja ya mambo yanayotushinda nchini ni kujitangaza, lakini hapo hapo kushindwa kupenda vya kwetu, kwani pamoja na kuwa Mlima Kilimanjaro upo Tanzania, lakini matangazo yake mengi yapo Kenya.

Mtaka ambaye pia ni Mkuu wa Mkoa wa Simiyu alisema amefurahishwa na uongozi wa NCAA kudhamini mashindano hayo, kwani yatawezesha Mamlaka ya Hifadhi ya Ngorongoro kufahamika duniani kote.

"Kwenye Serikali ukiwa na mtu kama Dkt. Fred Manongi (Mhifadhi Mkuu wa Mamlaka ya Hifadhi ya Ngorongoro) mambo yatakwenda vizuri. Tumempa taarifa wiki mbili kabla ya mashindano kumuomba atudhamini, lakini akawa amekubali na mambo yamekwenda vizuri.

"Hiki cha kukubali kudhamini mashindano haya ni kikubwa sana. Sasa anatufanya Watanzania tuanze kujitangaza na kupenda vya kwetu. Hili tatizo la kushindwa kujitangaza ni kubwa ndiyo maana kila siku kuna malalamiko kuwa Kenya wanajitangaza Mlima Kilimanjaro ni wa kwao. Sisi sasa tujitoe na kuonesha rasilimali hizi za utalii ni za kwetu" alisema Mtaka.
Waziri wa Maliasili na Utalii Dkt. Hamis Kigwangala akionesha medali yake kwa waandishi wa habari mara baada ya kumaliza mbio za Ngorongoro Marathon (kilomita 21). Alimaliza mbio hizo saa 6.20 mchana. Mbio hizo zilizoanza leo Aprili 21, 2018 saa 3.30 asubuhi kwenye lango kuu la kuingia Mamlaka ya Hifadhi ya Ngorongoro (NCAA), zimehitimishwa kwenye Uwanja wa Mazingira Bora mjini Karatu. NCAA ndiyo wadhamini wakuu wa mbio hizo.
Waziri wa Maliasili na Utalii Dkt. Hamis Kigwangala akihutubia wananchi wa Wilaya ya Karatu mkoani Arusha mara baada ya kumalizika mbio za Ngorongoro Marathon leo Aprili 21, 2018 na kuhitimishwa kwenye Uwanja wa Mazingira Bora mjini Karatu. Wa pili kulia ni Rais wa Chama cha Riadha (RT) na Mkuu wa Mkoa wa Simiyu Anthony Mtaka na kulia ni Mwenyekiti wa Bodi ya NCAA Profesa Abiud Kaswamila.
Mhifadhi Mkuu wa Mamlaka ya Hifadhi ya Ngorongoro Dkt. Fred Manongi (kulia), Mwenyekiti wa Halmashauri ya Wilaya ya Karatu Jubilate Mnyenye (kushoto) na Mbunge wa Viti Maalumu Mkoa wa Arusha Cecilia Pareso (katikati) wakimsikiliza Waziri wa Maliasili na Utalii Dkt. Hamis Kigwangala (hayupo pichani) kwenye kilele cha mbio za Ngorongoro Marathon zilizohitimishwa kwenye Uwanja wa Mazingira Bora mjini Karatu leo Aprili 21, 2018. (Picha na Yusuph Mussa, Immamatukio Blog).
Posted by MROKI On Sunday, April 22, 2018 No comments

April 20, 2018

Kamishna Msaidizi wa Ardhi kanda ya Kaskazini Leo Komba akizungumza na Waandishi wa Habari
kulia ni Kamishna Msaidizi wa Ardhi kanda ya Kaskazini Leo Komba na  Afisa Ardhi Mwandamizi  Thadeus Riziki
 *****************
Na Mahmoud Ahmad,Arusha.
Kamishna Msaidizi wa Ardhi kanda ya Kaskazini Leo Komba amesema kuwa serikali itawachukulia hatua wamiliki wa ardhi wasiolipa kodi ya ardhi kwa mujibu wa sharia ya ardhi Namba 4 ya mwaka 1999 hivyo amewataka kulipa kodi hiyo kwa wakati ili kuepuka kufikishwa mahakamani.

Akizungumza jijini Arusha Komba alisema kuwa wizara imejipanga kikamilifu kusimamia taratibu za kuwafikisha mahakamani wadaiwa wote watakaokaidi kulipa kodi ya ardhi na kukusanya kodi ya pango la ardhi kwa kila kipande cha ardhi kilichomilikishwa kwa mujibu wa sharia.

Aidha alisema kuwa Wizara imerahisisha ulipaji wa kodi ya pango la ardhi ambapo mmiliki akishapata Ankara ya madai anaweza kulipa kwa kutumia simu ya kiganjani .

“Pamoja na suala zima la ulipaji kodi la Ardhi ,Mhe.Waziri wa Ardhi ameanzisha kampeni ya Funguka kwa Waziri wa ardhi kuondoa migogoro ya ardhi ,Hivyo wale wananchi wenye kero za ardhi wanatakiwa kujaza fomu ambazo zipo kwenye ofisi zote za Halmashauri na Ofisi za wakuu wa Wilaya ili Waziri atatue kero hizo” Alisema Kamishna

Naye Afisa Ardhi Mwandamizi Thadeus Riziki amesema kuwa ardhi ambazo hutozwa kodi hiyo ni zile ardhi ambazo zimepimwa na zina hatimiliki,maeneo ambayo hayajapimwa mengi hayajaingizwa katika mpango wa kulipa kodi.

Afisa huyo alisema kuwa serikali ina mpango wa kupima maeneo ambayo hayapimwa na pia kurasimisha makazi holela ili waweze kupatiwa huduma muhimu za kijamii.

Alisema kuwa ni vyema wananchi wakajijengea utaratibu wa kulipa kodi kwa wakati ili kuepuka usumbufu ikiwemo kufikishwa mahakamani .
Posted by MROKI On Friday, April 20, 2018 No comments
Tanzania inatarajia kuungana na nchi zingine duniani kwenye kuadhimisha siku ya Malaria Duniani ambayo ufanyika April 25 kila mwaka.

Maadhimisho hayo ya kitaifa yatafanyika wilaya ya Kasulu mkoani Kigoma huku Waziri wa Afya na Maendeleo ya Jamii akitarajiwa kuzindua ripoti ya hali ya Malaria nchini.

Akiongea jijini Dar es Salaam leo, Waziri Nyoni ambaye ni Mkurugenzi wa Miradi kutoka VectorWorks alisema kutakuwa na shamra shamra mbali mbali kuanzia tarehe 22 April kabla ya kufikia kilele cha maadhimisho hayo.

VectorWorks ni mradi wa miaka mitano wa kupamba na malaria hapa nchini umefadhiliwa na Shirika la Misaada la Marekani – USAID kupitia Mfuko wa Raisi wa Marekani wa kudhibiti malaria na kuratibiwa na John Hopkins Center for Communications.

‘Sisi kazi yetu ni kuhakikisha hali ya ugonjwa wa malaria inapungua. Kwa sababu hiyo, tumekuwa na zoezi endelevu la kugawa vyandarua vyenye dawa ya muda mrefu kwa kila kaya hapa nchini. Vile vile, tunatumia vituo vya afya kuwafikia walengwa wakuu ambao ni akinamama waoenda kliniki na watoto wenye umri chini ya mwaka mmoja, alisema Nyoni.

Akina mama wanaonza kliniki ni lazima wapatiwe chandarua chenye dawa ya muda mrefu bure. Hii njia bora ya kujikinga na mbu waenezao malaria. Vile vile tunafanya kazi kwa kushirikiani na Serikali kupitia Wizara ya Afya kitengo cha kupamba na Malaria nchini ambao wamekuwa wakipuliza dawa yenye viatilifu kwenye maeneo yenye masalia ya mbu. 

Tumepiga hatua kubwa kupunguza malaria hapa Tanzania kwa hivyo natoa wito wangu kwa kila Mtanzania kuhakikisha analala kwenye chandarua kwenye dawa ya muda mrefu, aliongeza Nyoni.

Kauli mbiu ya mwaka huu ni mimi natokomeza malaria, wewe je?
Posted by MROKI On Friday, April 20, 2018 No comments
 Magari 15 yaliyokabidhiwa na Kampuni ya OBC ya Loliondo.
Mkurugenzi idara ya wanyamapori, Nebbo Mwina akikata utepe kuashiria uzinduzi wa magari 15 aina ya Toyota Land cruiser yenye thamani ya shilingi Billion 1.5 yaliyotolewa na kampuni ya uwindaji ya OBC,ya Loliondo kwa ajili ya shughuli za kuzuia ujangili na uhifadhi. Hafla hiyo ilifanyika jana jiji Dar es Salaam.
 Mkurugenzi idara ya wanyamapori, Nebbo Mwina akijaribu kuendesha moja ya magari 15 aina ya Toyota Land cruiser yenye thamani ya shilingi Billion 1.5 yaliyokabidhiwa  na kampuni ya uwindaji  OBC,ya Loliondo kwa ajili ya shughuli za kuzuia ujangili na uhifadhi. Hafla hiyo ilifanyika jana jiji Dar es Salaam
KAMPUNI ya uwindaji ya Otterlo Business Corporation Limited (OBC) imekabidhi magari 15 kwa wizara ya maliasili na Utalii kwa ajili ya kusaidia kulinda rasilimali ya wanyamapori nchini.

Magari hayo aina ya Toyota Landcruiser yalikabidhiwa jana kwa Mkurugenzi wa idara ya wanyamapori, Nebbo Mwina,katika ofisi za Wizara ya Maliasili, jijini Dar es Salaam.

Akikabidhi magari hayo yenye thamani ya Zaidi ya sh. Bilioni 1.5, Mkurugenzi msaidizi wa OBC, Molloimet Yohana, alisema kuwa msaada huo ni mahususi kwa ajili ya kuongeza nguvu kwenye mapambano dhidi ya ujangili na ulinzi wa wanyamapori.

“Huu ni mwendelezo wa azma ya serikali ya UAE na OBC katika kuunga mkono mapambano hayo kwani tumekuwa tukifanya hivyo mara kwa mara,”alisema.

Alisema ushiriki wao katika uhifadhi wanyamapori utaendelea kwani ni mpango endelevu na kamwe hawatasita kusaidia pale itakapobidi.

Akipokea msaada huo, Mwina alisema serikali inatambua mchango mkubwa wa OBC ambao imekuwa ikitoa katika sekta hiyo,na kuwataka kuendeleza mahusiano na kutokatishwa tamaa na maneno yanayozungumzwa juu ya kampuni hiyo.

“Napenda kusema kwamba OBC tumekuwa na mahusiano na nyinyi ya muda mrefu tumepata misaada yenu kwa muda mrefu kwa hiyo mahusiano yenu na sisi ni ya muda mrefu na ni mazuri hivyo tunawaomba kwamba muendeze hayo mahusiano yenu msikate tamaa tunajua kuna maneno yanasemwahuku na kule yakijaribu kuwakatisha tamaa juhudi zenu naomba msikate tamaa kwa hayo maneno ambayo yanasemwa Chini chini “Alisema

Alisema ni vyema OBC ikawapuuza watu ambao wamekuwa wakisema kampuni hiyo hafanyi kazi yake inavyotakiwa lakini wao kama wizara tunatambua kwamba wamekuwa ni msaada msaada mkubwa kwa serikali na uhifadhi.

Akishukuru kwa msaada huo mkurugenzi wa mamlaka ya usimamizi wanyamapori nchini (TAWA )Dk. James Wakibara alishukuru OBC kwa msaada huo ambao alisema utarahisisha utendaji kazi wa mamlaka hiyo ambayo inakabiliwa na changamoto ya rasilimali fedha,watu na vifaa.

“Lazima tutoe shukrani zetu za dhati kwa uongozi wa OBC kwanza kwa kufikiria hili wazo lakini pia kwa kujitoa,nguvu waliyoifanya,jitihada walizozifanya,matumizi waliofanya hadi leo tunapata hivi vifaa ambavyo vitatusaidia mtufikishie salam zetu kwa mkurugenzi ambae hakuweza kufika lakini Mwambie tunashukuru na Tunaheshimu kwa msaada huu uliotolewa.”alisema

Amesema gari ni kitu mihimu sana katika shughuli ya uhifadhi kwa sababu inawezesha kufika mahali popote kwa kuwa ni vigumu sana kulinda mapori kwa kutembea kwa miguu.

“Ni vizuri kwamba mtu anapokusaidia lazima atakuwa amewaza hapa kuna tatizo kwa hiyo katika tatizo hili na mimi nisaidie,kwa hiyo ule moyo tu wa kusema kwamba niwasaidie wenzangu Ndio hazina kubwa kuliko hata kile kilichotolewa”,alisema Dk.Wakibara.
Posted by MROKI On Friday, April 20, 2018 No comments

April 18, 2018



Waziri wa Mifugo na Uvuvi, Mhe Luhaga Mpina(aliyekaa katikati) akiwa katika picha ya pamoja na Wajumbe wa Kamati Ndogo ya Kutathmini Utendaji wa Sekta ya Uvuvi katika Ziwa Victoria baada ya kukabidhi taarifa hiyo mjini Dodoma hivi karibuni.Waliokaa kuanzia kushoto Mwenyekiti wa Kamati hiyo, Mhandisi Bonaventure Baya Kulia ni Katibu Mkuu Wizara ya Mifugo na Uvuvi anayeshughulikia Uvuvi, Dk Yohana Budeba, aliyesimama kuanzia kushoto John Komakoma Kaimu Meneja wa MPRU.
 ********************
Na John Mapepele, Dodoma
Waziri wa Mifugo na Uvuvi, Mheshimiwa Luhaga Joelson Mpina amemteua John David Komakoma kukaimu nafasi ya Mtendaji Mkuu wa Hifadhi ya Bahari na Maeneo Tengefu nchini (MPRU) baada ya kumsimamisha kazi Mtendaji Mkuu wa awali Dkt. Milali Machumu kutokana na Mdhibiti na Mkaguzi Mkuu wa Serikali kubaini dosari katika usimamizi wa Kitengo hicho.

Pia Waziri Mpina amevunja Bodi ya Wadhamini ya MPRU iliyokuwa chini ya Uenyekiti wa Profesa John Machiwa ambayo ilikuwa na Wajumbe nane.

Mpina alisema ameamua kuvunja bodi na kumsimamisha Mtendaji huyo kwa mamlaka aliyonayo kulingana na Sheria ya Hifadhi za Bahari na Maeneo Tengefu, Na 29 ya mwaka 1994.

Aidha Mpina amemwagiza Katibu Mkuu wa Uvuvi kuunda Kamati ya kuchunguza utendaji wa kazi wa Mtendaji wa awali.

Akizungumza mara baada ya uteuzi huo Komakoma ambaye ni mtaalam wa Bailojia ya Baharini amesema atahakikisha kuwa maeneo yote ya bahari yaliyotengwa yanahifadhiwa kikamilifu ili kuleta Mchango mkubwa katika taifa letu.

“Nina imani kwamba maeneo haya ni muhimu sana kwa uhifadhi wa raslimali za bahari na utalii endelevu hivyo hatuna budi kuyasimamia kwa faida ya sasa na vizazi vijavyo” alisisitiza Komakoma.

Kitengo cha Hifadhi za Bahari na Maeneo Tengefu kiliundwa na sheria ya Hifadhi za Bahari na Maeneo Tengefu  Mwaka 1994 ambapo baadhi ya majukumu yake makuu yameanishwa katika sehemu ya VI kifungu cha 10 ambayo ni pamoja na kulinda na kuhifadhi maeneo yenye mkusanyiko mkubwa wa bioanuai pamoja na mifumo ya ikolojia ya baharini na mwambao wa pwani.

Kuhamasisha wananchi kutumia kwa busara raslimali ambazo hazitumiki kabisa au hazitumiki kikamilifu kwa sasa, kusimamia maeneo ya bahari na mwambao wa pwani ili kuwezesha matumizi endelevu ya raslimali na ukarabati wa maeneo yaliyoharibiwa.

Kuhakikisha kuwa wananchi wanaoishi ndani ya hifadhi wanashirikishwa katika nyanja zote za upangaji,uendelezaji na usimamizi wa raslimali.

Hadi sasa kuna Hifadhi za Bahari tatu na Maeneo Tengefu 15 hapa nchini katika mikoa ya Tanga, Pwani, Dar es Salaam na Mtwara.

Kabla ya uteuzi huu Komakoma alikuwa akikaimu nafasi ya Mkurugenzi Msaidizi wa Uvuvi katika Kitengo cha Udhibiti Ubora, Usalama, Viwango na Masoko ya Mazao ya Uvuvi katika Wizara ya Mifugo na Uvuvi.
Posted by MROKI On Wednesday, April 18, 2018 No comments

Posted by MROKI On Wednesday, April 18, 2018 No comments

April 16, 2018

 Mbunge wa jimbo la Mafinga Mjini, Cosato Chumi akiongea na baadhi ya wananchi waliokuwa wamehudhuria katika hafla ya kukabidhi vifaa na gari la kubebea wagonjwa kwa lengo la kuendelea kuboresha sekta ya afya katika jimbo hilo 
 Mbunge wa jimbo la Mafinga Mjini, Cosato Chumi akikabidhi vitanda kwa ajili ya kituo hicho
Mbunge wa jimbo la Mafinga Mjini, Cosato Chumi akikabidhi gari la kubebea wagonjwa kwa ajili ya kituo hicho 
Na Fredy Mgunda, Mufindi
MBUNGE wa Mafinga Mjini, Cosato Chumi ametoa msaada wa vitanda kumi kwa kituo cha afya cha Ihongole kilichokuwa kinakabiliwa na upungufu wa vitanda katika wodi ya wazazi. 

Akizungumza wakati kukabidhi vitanda hivyo sambamba na kukabidhi gari ndogo ya kubebea wagonjwa iliyotolewa na serikali, Chumi alisema kuwa msaada huo wa vitanda utasaidia kwa kiasi kikubwa kupunguza changamoto katika kituo hicho cha afya ambacho kinachohudumia wakazi zaidi ya 20000 wa jimbo la Mafinga mjini. 

Alisema kuwa ushirikiano katika kuondoa changamoto na kuchukulia mapungufu ndio njia pekee ya kuendelea kuinyanyua Mafinga hasa katika sekta ya afya ambayo imekuwa ikikabiliana na changomoto nyingi.

Chumi alisema kuwa msaada wa vitanda vimetolewa na mmoja wa wahisani wanaolisaidia jimbo la Mafinga kuondokana na changamoto mbalimbali katika sekta ya afya ambayo imekuwa na ikikabiliwa na mapungufu mbalimbali ikiwemo ukosefu wa miundo mbinu bora.
  
Alisema changamoto za sekta ya afya katika jimbo hilo na wilaya ya Mufindi kwa ujumla zitakashughulikiwa kupitia serikali na wadau wake mbalimbali wanaotakiwa kujitokeza kuboresha huduma zake 

Akizungumzia Gari hiyo ambayo imetolewa na Serikali Chumi alisema kuwa itatumika kubeba wagonjwa ambao watalazimika kukimbizwa kwenye Hospitali ya Mafinga ambapo awali ilikuwa vigumu kwa wagonjwa pindi wakizidiwa kwenda kutibiwa. 

Mbali na msaada huo, mbunge huyo ambaye mbali na ahadi mbalimbali kwa wapiga kura wake, aliahidi kuboresha huduma za afya katika jimbo hilo amekwishatoa msaada vitanda, magodoro, viti vya kubeba wagonjwa na vifaa tiba mbalimbali katika hospitali ya Mafinga. 

Akipokea na kushukuru kwa msaada huo, Kaimu Mganga Mkuu wa kituo cha Ihongole, Bernad Makupa alisema msaada huo wa vitanda na gari ya kubebea wagonjwa utasaidia kwa kiasi kikubwa kuwahudumia wananchi katika vijiji mbalimbali vinavyopata huduma katika kituo hicho.


Kwa niaba ya halmashauri ya Mafinga Mjini, mwenyekiti wa halmashauri hiyo, Charles Makoga alimshukuru Chumi kwa ushiriki wake katika kuchangia maendeleo ya wananchi wa jimbo hilo kabla na baada ya kuingia madarakani na akamuomba endelee na moyo huo.
Posted by MROKI On Monday, April 16, 2018 No comments
  • Facebook
  • Twitter
  • Youtube

Labels

Blog Archive

Nafasi Ya Matangazo